Заврши групната фаза на меморијалниот турнир во мал фудбал „Алмир Ибески – Алмо 2026“ во Дебреште, а последната натпреварувачка вечер донесе нови интересни пресметки и резултати.
Во првиот натпревар Евро Анче Планиска со убедливи 3:0 го совлада Мега Маркет Јашарови, додека Лисичани минимално со 1:0 ја победи Поликлиника „Д-р Спаско“.
Најинтересно беше во дуелот меѓу Пикси Бојс и Лисичани, кој во регуларниот дел заврши 1:1, по што победникот беше решен на пенали. Лисичани беа поуспешни и со 2:0 на пенали обезбедија триумф.
Последната средба од групната фаза донесе убедлива победа на BHS Grup Саждево-Крушево, кој со 7:2 го совлада Саждево.
Со овие натпревари заврши групната фаза на турнирот. Вечерва во Дебреште ќе биде слободна вечер без натпревари, додека возбудувањата продолжуваат од утре, кога на програмата е осминафиналната фаза.
Следува периодот во кој нема повеќе простор за калкулации – секој натпревар носи елиминација, а екипите ќе се борат за место меѓу најдобрите осум на „Алмо 2026“.
