Женскиот фудбалски клуб Речица, со поддршка на Општина Куманово и ОСС Куманово, ќе биде организатор на традиционалниот турнир во женски фудбал „ЖФК Речица 2012-2026“, со кој уште еднаш се става акцент на промоцијата и унапредувањето на женскиот фудбал во кумановскиот регион.
На турнирот ќе учествуваат четири екипи – ЖФК Речица, ЖФК Каменица Саса, ЖФК Љуботен и ЖФК Истатов, кои ќе имаат можност да одиграат квалитетни контролни натпревари и да ја проверат формата пред новите предизвици.
Според објавениот распоред, првите две средби се закажани за 15 август, кога од 18:00 часот ќе се сретнат ЖФК Каменица Саса и ЖФК Истатов, додека од 20:00 часот домаќинот ЖФК Речица ќе игра против ЖФК Љуботен.
Наредниот ден, 16 август, ќе се одиграат натпреварите за пласман. Средбата за третото место е закажана за 17:30 часот, додека големото финале ќе започне во 19:30 часот.
Натпреварите, освен финалето, ќе се играат во времетраење од 40 минути, додека финалниот дуел ќе биде во стандардна форма – две полувремиња по 45 минути. Доколку некој од натпреварите заврши со нерешен резултат, победникот ќе се одредува директно преку пенали.
Организаторите подготвија и повеќе индивидуални признанија. Покрај пехарите за освоено прво, второ, трето и четврто место, ќе бидат доделени награди за најдобар играч, најдобар стрелец, најдобар голман, најдобар млад играч и најдобар судија.
Организатори на турнирот се ЖФК Речица и ОСС Куманово, со цел преку вакви настани дополнително да се придонесе кон развојот на женскиот фудбал и создавање подобри услови за натпреварување и промоција на женскиот спорт.
