Дебитантот во Втората женска фудбалска лига, ЖФК Менада, се засили со Тамара Петровска, која доаѓа од редовите на Слободен.
Се работи за 22-годишна фудбалерка од Тетово која може да покрие повеќе позиции во средниот ред и ќе биде вистинско засилување и освежување во тимот кој за првпат ќе настапи во ВЖФЛ.
Петровска кариерата ја започна во Шарпланинка, а потоа беше дел од Љуботен и Скопје.
ЖФК Менада од Тетово продолжува да го комплетира ростерот за дебитантскиот настап во Втората женска фудбалска лига.
