Повратникот во Првата лига, Брегалница и официјално го назначи Никола Кузманов за нов тренер, кој ќе ги предводи „сините“ во сезоната која стартува денес.
60-годишниот стратег од Штип и минатата сезона беше во стручниот штаб, но работеше како прв асистент, а сега ја презеде улогата шеф на стручен штаб. За Кузманов ова е враќање на тренерското столче на Брегалница, бидејќи и во минатото го водеше „сините“.
Кузманов, во минатото го предводеше некогашниот второлигаш Слога од Виница, а работеше и во Кит Го од Пехчево, каде ја извршуваше и функцијата спортски директор.
Брегалница утре ќе гостува кај шампионот Вардар, со што „сините“ ќе имаат тешко отварање на сезоната.
