Македонскиот женски шампион ЖФК Скопје не успеа да ја мине првата пречка во квалификациите за Лигата на шампионите, откако во Полска беше поразен од ирскиот првак Атлоне со убедливи 4-0.
Ирскиот состав уште во првото полувреме направи значајна предност. Шона Бренан го отвори резултатот во 19. минута, а пред паузата Ноел Мареј зголеми на 2-0, со што Атлоне направи голем чекор кон пласманот во следната рунда.
Во вторите 45 минути македонскиот претставник се обиде да пружи посилен отпор, но противникот повторно беше поефикасен. Дана Шериф и Михаела Ханд ја затресоа мрежата на ЖФК Скопје и ги поставија конечните 4-0.
Со овој пораз, ЖФК Скопје го завршува настапот во квалификациите за најелитното европско клупско натпреварување, додека шампионот на Ирска обезбеди пласман во следната квалификациска фаза од Лигата на шампионите.
