Вечерва беа одиграни дури пет натпревари на турнирот во мал фудбал „Малеш Куп“ во Берово, каде одново на сите натпревари имаше голем број на погодоци.
Два меча се одиграа 2+, но имаше и меч кој влезе во „седум плус“.
Банда без Команда ја отвори вечерва со триумф од 0:5 над Голиќ Пром и стигна до вредни бодови со чиста мрежа. Во Вториот меч М Младост се намачи, но го доби Иван Шпед од Делчево.
Во третиот меч беше забележана уште една сигурна победа за тимот на Еклектик од 3:1 над Пабо Монополо Делчево.
Изгрев Ратево со сигурни 2:0 го доби составот на Банда без Команда, кој одигра уште еден меч, а потоа М Младост стигна до нов триумф овој пат со 2:0 го доби ОФК Малеш Берово.
Утрешниот ден на „Малеш Куп“ ќе биде слободен, а возбудувањата продолжуваат во понеделник со нови пет средби.
19:00 часот Еклектик – Голик Пром
19:30 часот Благица и Кичен Штип – Сити Паб Берово
20:00 часот Благица и Кичен Штип – М Младост
20:30 часот Сити Паб Берово – Иван Шпед Делчево
21:00 часот Голик Пром – Паб и Монополо Делчево
Спортска Мрежа и годинава е медиумски покровител на овој спортски настан, а соработката трае од првото издание на Малеш Куп одржано во 2022 година.
