Групната фаза на турнирот во мал фудбал „Конче 2026“ заврши, со што се познати сите екипи кои обезбедија пласман во осминафиналето, а со тоа се познати и двојките кои ќе се соочат за пласман во четвртфиналето.
Синоќа Хаса Бум доживеа тежок пораз од Мастер Мустафа Бербер со резултат од 1:11, а во вториот меч Фенербахче со 3:1 го доби Конче Бирлик.
Во третиот меч на вечерта екипата на Мастер Мустафа Бербер загуби од Дивино со 1:2, а пак Фенербахче со 5:3 го доби тимот на Дивино.
Во осминафиналето Фенербахче оди на мегдан против Злеово, Перо и Тајфата ќе се соочи со Мена Транс, Црна Река ќе бара место во четвртфиналето против Липовиќ, Интерпласт ќе се соочи со Конче Бирлик.
Перфект Дизајн и Еуродом Проект против Ефеџан Мемо, Дивино налета на Фурна Марфи пресметка на пици и сомуни, Украс Инг против Мастер Мустафа Бербер, а пак Фреигхт Оне оди против Парналија.
Вечерната програмата нуди четири мечеви, еден во кадетска и три во сениорска конкуренција.
20:00 часот КРИСТОФЕР КИШНЕР – ЈАКОВ ТОБАКО (кадети)
20:45 часот ЦРНА РЕКА – ЛИПОВИЌ
21:45 часот ИНТЕРПЛАСТ – БИРЛИК КОНЧЕ
22:45 часот ПЕРО И ТАЈФАТА – МЕНА ТРАНСФЕР
Спортска Мрежа и годинава е медиумски покровител на овој спортски настан, кој има голема традиција.
