Продолжуваа возбудувањата на турнирот во мал фудбал „Петровден 2026“ во Мешеишта, откако вечерва програмата понуди три мечеви од три различни групи.
Во првиот меч од групата G екипата на Оровник со минимални 1:0 славеше над Дебрца Експрес, веднаш потоа следуваше мечот од групата Е каде екипата на Гранит Х се намачи за да го скрши отпорот на Кибо Пласт за триумф од 3:2.
Во последниот меч на вечерта публиката проследи меч кој понуди висока и убедлива победа од 0:6 за екипата на Кафе Бар Коко над Томе Електрик.
Утрешниот ден нуди три натпревари, еден од групна фаза и два од осминафиналето.
Чардак Велгошти од 20:30 часот ќе игра против Оровник, меч од групата G, од 21:30 часот стартува осминафиналната фаза со мечот меѓу БЗ Груп Струга против Аце Најдески, а еден час подоцна во битка за следна фаза ќе се соочат Хотел и Спа Инекс Олгица против Кафе Бар Слобода Кичево.
Спортска Мрежа и годинава е медиумски партнер на турнирот во Мешеишта со што продолжува соработката која е воспоставена пред неколку години.
