Освојувачот на Купот на Македонија, Силекс, продолжува активно да го засилува играчкиот кадар во пресрет на новата сезона 2026/27. По обезбедувањето настап на европската сцена, кратовскиот клуб работи на формирање конкурентен тим кој ќе биде подготвен за предизвиците во домашното првенство, Купот на Македонија и европските квалификации.
Силекс официјално го промовираше Марио Ричков како нов фудбалер на клубот. Дваесет и двегодишниот лев бек во Кратово пристигнува од екипата на Македонија ЃП и ќе го засили тимот во пресрет на сезоната 2026/27.
Ричков, кој настапува на позицијата лев бек, и покрај младата возраст веќе има солидно искуство во македонскиот фудбал. Во својата кариера ги носеше дресовите на Вардар, Шкупи и Македонија ЃП, а има и настапи за младата репрезентација на Македонија.
Од Силекс изразија задоволство од ангажманот на Ричков и му посакаа успешна сезона во дресот на кратовскиот прволигаш.
