Некогашниот второлигаш Слога Виница стана есенски шампион во Третата македонска фудбалска лига – Исток, минатата сезона водеше тешка борба, но за влакно не успеа да дојде до првото место, откако Вардарски стана шампион и обезбеди учество во Втората лига преку бараж после 27 години.
Оваа сезона Слога Виница посериозно ги сфати работите направи квалитетен тим и оди кон една цел – прво место, шампионска титула, бараж и враќање во Втората лига.
Тимот на штипскиот стратег Емил Грнев доминираше во Трета лига – Исток со учинок од осум победи и еден пораз, со најдобар напад кој реализираше 36 погодоци и најдобра одбрана која приминала шест погодоци.
Слога Виница го има и најдобриот напаѓач во лигата – Игор Ѓоргиев со девет погодоци, но вториот најдобар стрелец е играч на тимот од Виница, Октај Амедов со осум погодоци, меѓу најдобрите стрелци е и Кристијан Ристовски со шест погодоци.
-
АНАЛИЗА НА ТРЕТА ЛИГА – ИСТОК: КОЈ ДОМИНИРАШЕ НА ТЕРЕНОТ И КОИ ИГРАЧИ СЕ НАЈДОБРИ СТРЕЛЦИ?
Ова е најновата Анализа на Спортска Мрежа за Трета лига – Исток, ја анализираме Трета лига – Исток, табелата и листата на најдобри стрелци, но откриваме и неколку ексклузивни работи.
Како ќе се засилува Слога Виница, каков е проектот на Брегалница Делчево за следниот период и кои ќе бидат целите, што ќе очекуваме во пролетниот дел, какви статистики ни носи Трета лига – Исток?
Погледнете ја најновата Анализа на Спортска Мрежа, а наскоро нови емисии од Анализа на Спортска Мрежа.
