Вчера се комплетираше 10. коло од Општинската фудбалска лига Гази Баба, коло кое се одигра во два викенди, откако претходниот викенд обилните врнежи од дожд не дозволија игра на сите терени, па се одиграа само два натпревари, а пак останатите три се одиграа вчера.
Екипата на Маџари Солидарност вчера однесе лото победа од 7:1 над Ускуп на домашен терен. Стојчевски беше двоен стрелец за домаќинот, а по еден гол постигаа Абаз, Крстевски, Андреевски, Амет и Селими, додепа пак за гостинскиот тим во 64. минута погоди Селман.
Бујковци со 4:1 беше пресилен за тимот на Миладиновци, во меч каде беа постигнати три брзи погодоци за 3:0 по само 15 минути игра, а стрелци на истите беа Крстевски, Трајковски и Аземи. Во вториот дел Спасов зголеми на 4:0, а Маринковски погоди за конечни 4:1.
Илиден со двата гола на Ферид Абедин дојде до победа од 2:0 над тимот на Гоце Делчев.
Претходно, како што информиравме Марино и Петровец ремизираа играјќи 1:1, Дељадровци со 3:1 славеше над Инџиково, а пак Долно Коњари беше слободен тим.
- ЦЕЛА ТАБЕЛА ОД ОФЛ ГАЗИ БАБА:
| Поз. | Клуб | ОН | Поб | Н | Пор | ПОС | ПРИ | ГР | БОД |
|---|---|---|---|---|---|---|---|---|---|
| 1 | ФК ДОЛНО КОЊАРИ | 9 | 7 | 2 | 0 | 24 | 5 | +19 | 23 |
| 2 | ФК БУЈКОВЦИ | 9 | 7 | 1 | 1 | 28 | 7 | +21 | 22 |
| 3 | ФК МАЏАРИ СОЛИДАРНОСТ-ЈУНИОР | 9 | 6 | 1 | 2 | 27 | 14 | +13 | 19 |
| 4 | ФК ГОЦЕ ДЕЛЧЕВ | 10 | 5 | 3 | 2 | 30 | 18 | +12 | 18 |
| 5 | ФК Марино 2024 | 9 | 4 | 2 | 3 | 22 | 11 | +11 | 14 |
| 6 | ФК ИЛИНДЕН | 9 | 4 | 1 | 4 | 15 | 17 | -2 | 13 |
| 7 | ФК МИЛАДИНОВЦИ | 9 | 2 | 3 | 4 | 23 | 31 | -8 | 9 |
| 8 | ФК ДЕЉАДРОВЦИ 2010 | 9 | 2 | 3 | 4 | 8 | 19 | -11 | 9 |
| 9 | ФК ИНЏИКОВО | 9 | 2 | 1 | 6 | 13 | 26 | -13 | 7 |
| 10 | ФК ПЕТРОВЕЦ | 9 | 1 | 2 | 6 | 11 | 27 | -16 | 5 |
| 11 | ФК УСКУП 1911 | 9 | 0 | 1 | 8 | 10 | 36 | -26 | 1 |
| 12 | ФК СКОПСКО ПОЛЕ | 0 | 0 | 0 | 0 | 0 | 0 | 0 | 0 |
