Успесите на Аулон Куртиши не престануваат. Шеснаесетгодишниот фудбалер на Фудбалската академија Шкендија од Тетово од ден на ден потврдува дека е еден од најперспективните млади фудбалери во Македонија.
Откако со генерацијата до 16 години на Шкендија ја освои шампионската титула во Македонската Супер лига, Аулон забележа уште еден значаен успех. Тој се закити со титулата на меѓународниот турнир „Иднината на фудбалот до 17 години“, кој се одржа во Тирана во организација на „Мати Спорт“, а на кој учествуваа реномирани академии и клубови од регионот.
Во финалето на турнирот за играчи до 17 години, Шкендија славеше победа од 2:0 над албанскиот тим Вора и го подигна шампионскиот пехар. Овој успех е уште една потврда за работата, посветеноста и талентот што го красат младиот Куртиши.
Аулон своите први фудбалски чекори ги направи во клубот „Скендербеу“, под водство на тренерот Башким Бакиу. Благодарение на својот талент, труд и посветеност, тој го продолжи развојот во Шкендија од Тетово, каде што прерасна во еден од најважните играчи во својата генерација.
Тој најчесто настапува на позицијата десно крило, но успешно се снаоѓа и како централен напаѓач. Со своите одлични настапи, бројните погодоци и динамичната игра, Аулон го привлекува вниманието на тренерите и спортската јавност, продолжувајќи да демонстрира голем потенцијал на секој натпревар.
Сепак, соништата на Аулон не завршуваат тука. Неговата цел е да го достигне врвот на европскиот фудбал и еден ден да го носи дресот на некој од најголемите светски клубови.
Во моментов, младиот фудбалер продолжува да работи со максимална посветеност и професионален пристап, имајќи ја силната поддршка од своето семејство, тренерите и сите оние кои веруваат во неговиот талент.
Многумина за него велат: „Талент каков што ретко се појавува во фудбалот.“
На линкот подолу може да се погледнат дел од неговите настапи и јасно да се види за каков фудбалски потенцијал станува збор.
Честитки до шампионот Аулон Куртиши и многу успеси на неговиот пат кон професионалниот фудбал!
Буран Муслиу, Спортска Мрежа
