Селекторот на машката сениорска репрезентација на Македонија, Жозеп Мариа Берокал, го објави поширокиот список на кошаркари за претстојните натпревари од третиот ФИБА прозорец во претквалификациите за пласман на Евробаскетот 2029. Покрај домашните репрезентативци, дополнителен повик ќе добијат и натурализираните кошаркари кои ќе бидат во комбинација за настап на овие важни средби.
Македонија во рамките на групата „А“ ќе ги одмери силите со селекциите на Ирска и Луксембург. Првиот натпревар нашата репрезентација ќе го одигра на домашен терен во Скопје против Ирска, додека гостувањето кај Луксембург е закажано во вториот јулски термин.
Подготовките на националниот тим ќе се реализираат во Скопје, а првиот официјален собир е закажан за 15 јуни во 10:00 часот во спортската сала „Лазар Лечиќ“.
Во јулскиот ФИБА прозорец, македонските кошаркари ќе имаат можност да направат нов чекор кон следната фаза од квалификацискиот циклус, со два значајни натпревари против Ирска и Луксембург.
РАСПОРЕД НА НАТПРЕВАРИ
2. Јули – Скопје: Македонија – Ирска
5. Јули – Луксембург: Луксембург – Македонија
ПОШИРОК СПИСОК НА ИГРАЧИ ЗА ФИБА „ПРОЗОРЕЦ“ – ЈУЛИ 2026
Ненад Димитријевиќ – Баерн Минхен-Германија
Андреј Јакимовски – Тренто – Италија
Адем Мекиќ – Задар (Хрватска)
Лејсон Зеќири – Башкими – Косово
Валмир Какруки – Сигал Приштина – Косово
Резарт Мемед – Бора (Косово)
Андреј Шошкиќ – НЦАА-САД
Павел Иванов – НЦАА – САД
Војдан Стојановски – МЗТ Скопје Аеродром
Андреј Маслинко – МЗТ Скопје Аеродром
Марин Петков – МЗТ Скопје Аеродром
Виктор Ташовски – ТФТ
Страхил Николов – ТФТ
Стојан Ѓуроски – МКК Куманово
Мухамед Тачи – Чаир 2030
Рубин Стефанов – Ангели
Виктор Ефремовски – Работнички
Андреј Митревски – Пелистер
Лука Стојановски – Пелистер
Никола Бојчев – Кожув
Теодор Симиќ – Кожув
Амар Хот – Маџари
Марко Луканоски – Маџари
Петар Бошалески – Тиквеш Голден Игл
Михаил Наумоски – Феникс 2010
