Денес на стадионот во Ѓорче Петров ќе се одигра последниот бараж натпревар за влез во Втора лига. Тетекс ќе бара опстанок во Втора лига против шампионот на Трета лига – Југозапад, Влазними од Струга.
Темпото на натпревари, квалитетот на натпреварите, натпреварувачкиот ритам, како и искуството е на страната на „штофарите“. Влазними стана шампион во регион каде имаше десет екипи, а на полусезона Велешта беше исфрлена од натпреварување, па во секое коло имаше и слободна екипа, па со тоа се нарушува натпреварувачкиот ритам.
Стружани зад себе имаа одлична сезона и стигнаа до шампионскиот пехар, а денес е исправени пред нов предизвик на 90 минути од Втора лига.
Вчера екипата на Кожуф го потврди опстанокот во Втора лига откако убедливо го доби Кожуф, Камјани славеше над Победа Валандово во соочување на два третолигаши, а пак третолигашот Еуромилк ГЛ се врати во Втора лига, откако славеше над сега веќе екс второлигашот Каменица Саса.
Дополнително, денес ќе бидат познати и последните два патника во Втора лига со прволигашките баражи – во Битола ќе се соочат Брера Струмица и Скопје, а во Кавадарци ќе играат Пелистер и Шкендија Арачиново.
