ГРК Охрид ги повика своите навивачи заедно да ја проследат најважната битка во клупската историја, реванш финалето од ЕХФ Европскиот Куп против МОЛ Татабања.
Од клубот информираа дека за големото финале ќе биде организирана фан зона, каде сите поддржувачи ќе можат заедно да го следат натпреварот во живо на лед екран и да бидат дел од атмосферата во борбата за европскиот трофеј.
Во Охрид веќе владее вистинска еуфорија пред историскиот меч, а од клубот се надеваат на позитивен резултат и заедничка прослава со навивачите по крајот на натпреварот.
Реванш- финалето меѓу ГРК Охрид и МОЛ Татабања се игра в недела од 20:00 часот, кога охриѓани ќе се обидат да испишат нова страница во македонскиот ракомет.
