Лина Ѓорческа не успеа да ја мине првата квалификациска рунда на Ролан Гарос, откако беше поразена од 17. носителка Сузан Ламенс со 2-0 во сетови (6:4, 6:2).
Дуелот траеше 69 минути, а во првиот сет беше накратко прекинат поради дожд при резултат 2:2 во гемови. По продолжението, македонската тенисерка стигна до водство од 4:3, но Ламенс возврати со три последователни гема и го приведе сетот во своја корист со 6:4.
Во вториот сет резултатот беше израмнет до 3:3, по што холандската тенисерка повторно направи серија од три гема и со 6:3 го завери пласманот во следната рунда.
Ѓорческа имаше потешкотии при сервисот, правејќи дури 16 двојни сервис грешки, а мечот го заврши и со 41 неизнудена грешка.
Следен предизвик за македонската тенисерка ќе биде ИТФ турнирот во Куршумлијска Бања, кој е на програмата наредната недела.
