Екипата на Спартмани конечно стигна до своето прво пролетно славје, откако на домашен терен во Балдовци го шокираше лидерот Интер Кукла со триумф од 3:1.
Во рамки на 11. коло на Општинската фудбалска лига Спартмани стигна до шестото славје и се проби до третото место на минус три бода Интер Кукла.
Поразот на лидерот од Куклиш беше добредојден за Огражден, кој пак со 1:3 славеше над Илинден во Добрејци, па така сега екипата на Ново Село има минус еден бод од челната позиција, па со тоа се разгорува трката за врвот.
Во мечот од дното за бегство од последната позиција Единство со 1:4 славеше убедлива победа над Напредок од Радово за само втор триумф во единаесеттиот меч.
Еден меч заврши без победник – Дрвош и Слога од Злеово ремизираа во натпревар со по еден гол (1:1) за делба на бодовите.
Интер Кукла го чува врвот со 23 бодови, но ја стопи бодовната предност откако Огражден кој е втор има 22 бодови минус еден од првото место. Спартмани е четврти со 20 бодови, а пак Слога од Злеово е четврта со 19 бодови.
На петтото место е Илинден со 16 бодови, Дрвош е шести со 15 бодови, сега Единство кој има шест бодови е седми, а на дното останува Напредок со само три бодови.
