Новиот шампион во Трета лига – Запад, екипата на Камјани која ќе игра бараж за влез во Втора лига, денес во рамки на 21. коло играше против Скендебеу, каде забележа победа од 3:0.
Џемаили и Нуредини погодија во првиот дел, а во вториот дел стрелец беше Синани.
По завршување на натпреварот беше доделен шампионскиот пехар на екипата на Камјани.
- ДОДЕЛУВАЊЕ НА ШАМПИОНСКИОТ ПЕХАР НА КАМЈАНИ:
Некогашниот прволигаш Ренова на домашен терен против Речица славеше триумф од 4:3. Саити беше двоен стрелец, а по еден гол постигнаа Ејупи и Османи, за гостинот Иљази погоди, како и Шаќири и Зеќири.
Џепчишти против Напредок од Кичево впиша триумф од 3:1. Саљиу погоди во 12. минута за 1:0 на полувреме. Во вториот дел Селмани зголеми на 2:0, а пак Мирчески во 81. минута намали на 2:1. На пет минути пред крајот Садики постигна гол за конечни 3:1.
Љуботен како домаќин против Влазерими од Кичево играше во Брвеница со погодоци на Албулен Имери, кој беше стрелец на сите три гола за триумф од 0:3.
Добришти добива службени три бода од мечот со Дрита, бидејќи гостинот не се појави да го одигра натпреварот.
„По 30 минути чекање, гостинската екипа КФ Дрита не се појави на теренот. Присутни беа сите службени лица: судиите, делегатот, контролор на натпреварот и полициските службеници. Домашниот тим беше присутен на теренот“, се вели во записникот од мечот.
