Некогашниот прволигаш Еуромилк ГЛ денес го доби пехарот за шампион на Трета лига – Север, со што „лисиците“ од Горно Лисиче ќе играат бараж за враќање во Втора лига.
Инаку, денес Еуромилк ГЛ играше против Куманово, каде со 5:0 беше убедлив за нов триумф. Хусеин Демири беше двоен стрелец, а по еден гол постигнаа Зенговски, Јаневски и Исмаиловски.
Беса од Слупчане се соочи со Беса од Сарај, а во овој меч победник беше домаќинот со 2:1 преку двата гола на Мерван Фетаи, а за гостинот погоди Амар Мустафа.
БВК Коњаре на домашен терен против Пчиња забележа пораз во меч со единаесет гола (6:5). За домашниот тим сите пет гола ги постигна Гезим Бакиевски, додека пак за гостинот стрелци беа Нешевски, Митревски, Томовски и Топчиевски, а пак Васиќ беше двоен стрелец.
Ржаничино пред домашната публика против Студеничани стигна до триумф од 2:0 со головите на Здравковски и Бошковски кои погодија во првиот дел.
Аеродром и Фортуна ремизираа играјќи 2:2 за делба на бодовите. Атанасовски и Киприновски беа стрелец за домашниот тим, за гостинот Исмаили беше двоен стрелец.
„Фенерџијата“ Лопате го доби некогашниот второлигаш Кадино со резултат од 4:2. Двојни стрелци за домаќинот во меч кој се играше во Доброшане беше Ајдини, а по еден гол постигнаа Незири и Мустафи, а пак за гостинот погодија Миланов и Попоски.
Башкими Љуботен загуби од Отља со минимални 0:1, а стрелец на победничкиот гол беше Аљбин Амети.
