Борец денес го доби пехарот за шампион на Трета лига – Југ, со што велешани ќе играат бараж за враќање во Втора лига.
Претседателот на Трата лига Југ, Сашко Тасев го додели пехарот на некогашниот прволигаш од Велес, кој сега ќе игра бараж за враќање во Втора лига.
Инаку, Борец денес го одигр натпреварот од 25. коло против Младост од Кривогаштани кој го доби со 7:0. Мирчевски и Филиповски беа двојни стрелци, а по еден гол постигнаа Иванов, Миловановиќ и Имеров.
Башкими од Јаболчиште се соочи со Превалец каде исходот беше 1:1. Гостинот преку Јордановски во 26. минута дојде до 0:1, а без трите бодови остана во 93. минута кога Ахмедов погоди за 1:1.
Влазними Јуниор беше домаќин на некогашниот второлигаш Росоман каде исходот беше голем триумф за домаќините од 6:4.
Аделин Демири постигна четири гола за домаќинот, а двапати погоди Емрула Велиоски, додека пак за гостинот Слободан Дуков погоди двапати, а по еднаш Петар Николов и Бранко Стошиќ.
Тополка и Бучин ги поделија бодовите играјќи 3:3. Нешов и Чоков погодија за домаќинот, а за гостинот Србиноски беше двоен стрелец, а еден гол беше дело на Мицески, а пак Мургоски си постигна автогол.
Ултрас со 2:1 славеше на домашен терен против Питу Гули, откако гостинот во судиското надополнување на првиот дел погоди за 0:1 преку Талески. Во вториот дел во 75. минута Тошески погоди за 1:1, а пак Стојчески во 92. минута стрелаше за конечни 2:1.
