ГФК Осогово денес ќе одбележи 30 години од најголемиот успех на младинскиот фудбал во клупската историја – освојувањето на Купот на Македонија во 1996 година.
По тој повод, од клубот упатија повик до сите навивачи, симпатизери и љубители на фудбалот со масовно присуство да им оддадат почит и признание на генерацијата која испиша историја за кочанскиот клуб.
Свеченоста ќе се одржи на Градскиот стадион „Никола Мантов“ со почеток од 16:00 часот, а во рамки на настанот ќе бидат доделени благодарници на фудбалерите и членовите на стручниот штаб кои беа дел од шампионската генерација.
Признанија ќе добијат фудбалерите: Александар Алчинов, Дарко Иванов, Игор Богатинов, Мијалче Сенев, Ефтим Стојанов, Симеон Јорданов, Стефан Јанев, Ристо Трајанов, Зоран Шуманов, Крсте Крстев, Александар Соколов, Драган Петров, Ивица Костадинов, Игор Коцев, Ристе Иликовски, Трајче Пеливанов, Симеон Митев и Ванче Манчев.
Благодарници ќе бидат доделени и на членовите на стручниот штаб: Благој Петров, Јордан Минов, Славчо Наков и д-р Душан Данев.
Од Осогово порачаа дека ова ќе биде можност уште еднаш да се одбележи еден од најзначајните моменти во историјата на клубот и да им се искаже благодарност на луѓето кои оставија голема трага во кочанскиот фудбал.
Инаку, од 16:30 часот Осогово ќе го игра натпреварот против Брегалница од 29. коло на Втора лига.
