Утре се играат натпреварите од претпоследното коло на Трета лига – Исток, а кое коло може и да го донесе шампионот.
Лидерот Победа Валандово ќе има незгодно гостување кај Карбинци, меч кој мора да се добие со цел „калинкарите“ да го сочуваат врвот од табелата бидејќи имаат само бод повеќе од второпласираниот Овче Поле.
Тимот од Свети Николе утре ќе има тешко гостување кај некогашниот вицешампион на Македонија, Хоризонт Турново на стадионот „Кукуш“. „Овчарите“ ќе мораат до три бодови со цел и понатаму да го следат чекорот на лидерот од Валандово.
И двете екипи ги посакуваат трите бодови и се надеваат на „кикс“ на конкурентот, со цел да бидат сигурни на патот кон баражот за Втора лига.
Во Струмица ќе се одигра натпреварот меѓу Тиверија и фаворитот Ударник од Пирава.
Инаку, во рамки на 21. коло слободни се екипите на Дојранско Езеро и Малеш од Берово.
