Младите кошаркари до 12 години ќе бидат првите кои ќе го комплетираат натпреварувањето за натпреварувачката сезона, со дводневен завршен турнир во „Ф4“ формат.
Кошаркарскиот клуб „Работнички“ ќе биде организатор на завршниот турнир за најмладата возрасна категорија, М12, во машка конкуренција.
А во сабота и во недела, четирите најдобри ќе се соберат спортската сала „Лазар Лечиќ“ во Скопје, за да одлучат која од нив ќе биде и најдобрата во најмалата возрасна категорија од „Адастра“ младинските лиги.
Согласно со пласманот во оној регуларен дел од натпреварувачката сезона, формирани се и полуфиналните двојки.
На првиот ден од завршницата во М12 лигата, од 15. часот, ќе играат екипите на Водно санс и на Спортисимо Аква Мила. Два часа подоцна, на теренот ќе истрчаат и екипите на МКК Вардар, и домаќинот на овој завршен турнир – Работнички.
Ден подоцна, на 10.мај, победниците од двата полуфинални натпревари ќе играат во финалето, а поразените за третото место и бронзените одличја.
РАСПОРЕД НА НАТПРЕВАРИТЕ
9.МАЈ (САБОТА)
ПОЛУФИНАЛЕ
15.00: МКК Вардар – Работнички (2)
17.00: Водно санс – Спортисимо Аква Мила (1)
10.МАЈ (НЕДЕЛА)
НАТПРЕВАР ЗА ТРЕТО МЕСТО
15.00: ПОРАЗЕН 1 – ПОРАЗЕН 2
ФИНАЛЕ
17.00: ПОБЕДНИК 1 – ПОБЕДНИК 2
Натпреварите се играат во салата „Лазар Лечиќ“ во Скопје.
