По одигрувањето на натпреварите од регуларниот дел во двете натпреварувачки групи, познати се и осумте екипи-учесници во вториот дел од М16 лигата-жени.
Пласман во четвртфиналето на плеј-офот обезбедија првопласираните четири екипи од групата „Исток“:
Пробаскет, Патриот 2016, Тим Арена и МЗТ Бела вода,
односно четирите најдобри од групата „Запад“:
Спорт тим, Вардар, Петровски и Струга 2009.
Согласно со пласманот, формирани се и четирите чегвртфинални двојки од кои победниците ќе се пласираат на завршниот турнир во оваа возрасна категорија.
Првите мечеви од четвртфиналето, кое се игра според принципот „подобар од три натпревари“, ќе се играат на 9. мај, на теренот на подобро пласираните екипи од регуларниот дел на натпреварувачката сезона.
Натпреварот број 2 во сериите за пласман на „Фајнал-фор“ турнирот е предвиден да се игра на 16. мај, а евентуалните трети мечеви, на 23.мај.
Финалниот турнир во М16 лигата-жени, ќе се игра на 30. и 31. мај.
МЛАДИНСКИ ЛИГИ – М16- ЖЕНИ
ДВОЈКИ – ЧЕТВРТФИНАЛЕ
(1) Пробаскет – (4) Струга 2009
(1) Спорт тим – (4) МЗТ Бела вода
(2) Патриот 2016 – (3) Петровски
(2) Вардар – (3) Тим Арена
- Во заградите се остварените пласмани од регуларниот дел на сезоната
