Дисциплинската комисија на Ракометна федерација на Македонија донесе одлуки за санкции по анализата на случувањата од натпреварите во домашните конкуренции.
Најстрогата мерка е изречена за ракометарот на ГРК Овче Поле, Иван Димчевски, кој доби забрана за настап во траење од една година на сите првенствени и Куп натпревари. Санкцијата следува по инцидентот на натпреварот од 20. коло против Текстилец, кога му беа доделени црвен и син картон.
Покрај ова, дисциплинска мерка – укор – е изречена и за Македонија Ѓорче Петров, согласно пропозициите на Првата машка лига за сезоната 2025/2026, а истата санкција се однесува и за тимот од Свети Николе.
