По 13 одиграни кола лидер на табелата во Втората фудбалска лига е Македонија ЃП со 32 бодови на своето конто, додека пак на второто место е Брегалница која има два помалку односно 30 бодови.
Во бараж зоната односно на третото место е Башкими со 29 бодови, а пак на четвртото место е Арсими кој има 26 бодови. Овие екипи пополека се одвојуваат.
На делба на петтото место се Каменица Саса, Детонит Плачковица и Охрид кои имаат по 21 освоен бод. На осмото место е Кожуф со 18 бодови, Новица е на 9. место со 17 бодови, а пак Беласица и Скопје го делат десеттото место со по 16 бодови.
На 12. место е Победа со 13 бодови, Вардар Неготино е на 13. место со 11 бодови.
Во бараж зоната за опстанок е Осогово од Кочани кој има осум бодови, Борец е во зоната за директно испаѓање со пет бодови како претпоследен, а на дното е „фенерџијата“ Вардарски со два бодови и како единствен тим кој нема триумф.
Повеќе од јасно е дека Вардарски ќе има најтешка задача за опстанок, а во слична ситуација е и Борец, додека пак Осогово и Вардар Неготино ќе водат борба за да го избегнат баражот, а во таква ситуација барем засега е и Победа од Прилеп, која лани преку бараж остана во Втората лига.
- ЦЕЛА ТАБЕЛА ОД ВТОРАТА ЛИГА:
| # | Клуб | ОН | Поб | Н | Пор | ПОС | ПРИ | ГР | БОД |
|---|---|---|---|---|---|---|---|---|---|
| 1 | ФК МАКЕДОНИЈА Ѓ.П 1932 АД | 13 | 10 | 2 | 1 | 26 | 5 | +21 | 32 |
| 2 | ФК БРЕГАЛНИЦА 2008 АД | 13 | 9 | 3 | 1 | 20 | 9 | +11 | 30 |
| 3 | АД ФК Башкими 1947 Куманово | 13 | 9 | 2 | 2 | 21 | 8 | +13 | 29 |
| 4 | ФК АРЕСИМИ-1973 | 13 | 8 | 2 | 3 | 22 | 13 | +9 | 26 |
| 5 | ФК КАМЕНИЦА САСА | 13 | 6 | 3 | 4 | 23 | 16 | +7 | 21 |
| 6 | ФК ДЕТОНИТ ПЛАЧКОВИЦА | 13 | 5 | 6 | 2 | 17 | 12 | +5 | 21 |
| 7 | ГФК ОХРИД ЛИХНИДОС | 13 | 6 | 3 | 4 | 17 | 14 | +3 | 21 |
| 8 | ФК КОЖУФ ГЕВГЕЛИЈА | 13 | 4 | 6 | 3 | 16 | 13 | +3 | 18 |
| 9 | ЗФК НОВАЦИ 2005 | 13 | 5 | 2 | 6 | 17 | 13 | +4 | 17 |
| 10 | ФК БЕЛАСИЦА АД | 13 | 3 | 7 | 3 | 14 | 14 | 0 | 16 |
| 11 | ФК СКОПЈЕ АД | 13 | 3 | 7 | 3 | 13 | 13 | 0 | 16 |
| 12 | ФК ПОБЕДА АД | 13 | 4 | 1 | 8 | 20 | 25 | -5 | 13 |
| 13 | ГФК ВАРДАР Неготино | 13 | 3 | 2 | 8 | 14 | 23 | -9 | 11 |
| 14 | ГФК ОСОГОВО | 13 | 2 | 2 | 9 | 12 | 29 | -17 | 8 |
| 15 | ФК БОРЕЦ 1919 АД | 13 | 1 | 2 | 10 | 6 | 24 | -18 | 5 |
| 16 | ФК ВАРДАРСКИ | 13 | 0 | 2 | 11 | 9 | 36 | -27 | 2 |
