Следниот викенд на програмата ќе бидат натпреварите од 26. коло на Втората македонска фудбалска лига, а четири фудбалери нема да бидат во комбинација за мечевите.
Поради пет акумулирани жолти картони фудбалерот на Осогово, Михаил Николов нема да може да настапи за „жетварите“ на мечот со Победа во Прилеп.
Брегалница на домашен терен ќе има лесна задача против Слога Виница, па нема да биде проблем што Анџело Николовски нема да игра.
Каменица Саса без Андреј Љубевски ќе игра против Големо Коњари, додека пак Кожуф без искусниот Томица Петров ќе биде против Шкендија Арачиново.
Голем е број на фудбалери што имаат по четири жолти картони и веќе за 27. коло може да се очекува поголем број на фудбалери кои ќе го пропуштат истото.
