Општина Струмица продолжува со вложувања во спортот, откако денеска беа потпишани договори за финансиска поддршка со неколку млади спортски работници и идни тренери.
Станува збор за јавен повик за доделување средства за стекнување и унапредување на тренерски лиценци, преку кој поддршка добија Филип Муканов за стекнување УЕФА лиценца за тренер на голмани, Билјана Панеска за кондиционен и фитнес тренер, Стефан Туфекчиев за фитнес и бодибилдинг тренер и Ивана Милева за тренер по одбојка.
Младите спортски ентузијасти изразија благодарност за поддршката, потенцирајќи дека оваа помош ќе им овозможи професионален напредок и развој во нивните области.
„Сите идни млади тренери искажаа голема благодарност за поддршката од Општина Струмица, а јас им посакав многу успешни резултати“, рече градоначалникот Петар Јанков.
