Натпреварот од 19. коло на Првата ракометна лига меѓу Младост од Богданци и Кичево кој беше закажан за денес во „Билјанини Извори“ во Охрид сепак не се одигра поради технички причини.
По одлука на делегатот истиот воопшто и не започна, па сега се отвара работа за Натпреварувачката комисија на РФМ.
Повеќе од јасно е дека бодовите службено ќе ги добие Младост, а домаќин на истиот беше Кичево.
Инаку, првиот нивен меч наместо во Кичево се одигра во Богданци по меѓусебен договор на двете екипи, а денес Кичево требаше да биде домаќин во салата „Билјанини Извори“ во Охрид, каде кичевци ги играат домашните натпревари.
Кичево се „пресели“ во Охрид да ги игра домашните натпревари, бидејќи поради поплавите во Кичево, салата „Христо Узунов“ беше претворена во пункт каде се згрижија погодените семејства.
