Еурофарм Пелистер продолжува сигурно да чекори низ Суперлигата. Битолчани без поголеми проблеми го решија гостувањето кај Прилеп, славејќи со убедливи 39-23, со што ја задржаа лидерската позиција на табелата.
Избраниците на Лино Червар уште во првиот дел ја наметнаа својата игра и на паузата заминаа со шест гола предност (20-14). По одморот, разликата дополнително се зголемуваше, а домашниот состав немаше одговор за расположениот ривал.
Капитенот Филип Кузмановски беше прв стрелец кај победникот со девет погодоци, додека Саду Нтанзи го заврши натпреварот со пет гола. Во редовите на Прилеп, Димитар Димитриоски се истакна со пет реализации.
По седум одиграни кола, Еурофарм Пелистер има шест победи и едно реми и останува на врвот во домашното првенство. Прилеп, пак, со осум бода се наоѓа на петтото место и продолжува да ја бара својата шанса во трката за плеј-офот.
