Натпреварот во Штип меѓу Мал Ајакс и Клими заврши без победник откако дете екипи одиграа 3:3 и ги поделија бодовите. Овој бод за штипјани не им значи многу бидејќи се во многу тешка ситуација за опстанок.
Иса Дурмишов постигна два гола за Мал Ајакс, а еднаш погоди Теодор Наков, додека пак за тимот од Кавадарци двоен стрелец беше Давид Крстевски, а еден гол беше дело на Кирче Крстевски.
Драматичен меч одиграа Балкан и Шкупи во борбата за опстанок, а на крајот на трите бодови се радуваше гостинот, кој преку пресврт со 5:6 беше подобар.
Јусуф Сулејмани во 1. минута погоди за водство на домашниот тим, а по три минути Еркан Сефери погоди за 1:1. Пајтим Реџепи во 9. минута донесе нова предност за Балкан, а во 11. минута Секир Зејнели погоди за 2:2.
До крајот на првиот дел Реџепи погоди уште еднаш, а потоа и Хакан Умер за 4:2 на полувреме. Во вториот дел Абдил Кадир Јахја постигна гол за 4:3, но веднаш Балкан врати предност од два гола преку третиот гол на Реџепи за 5:3.
До крајот Јахја постигна уште два гола за конечни 5:6 и голема радост за Шкупи за овие тешко освоени три бодови.
Мечот меѓу Јувентус Серава и Осогово заврши без победник, а извештајот од воведниот меч е достапен овде.
14-тата рунда од Првата футсал лига ќе се комплетира утре со мечот во Куманово меѓу Форца и Бутел.
