Лидерот Железарец оствари лесна и убедлива победа над битолски Конзули откако во Автокоманда со 12:5 поранешниот шампион на Македонија беше подобар во меч од 15. коло на Втората футсал лига.
Ланскиот прволигаш продолжува да го трасира патот кон експресно враќање во елитата. Мирко Богески имаше хет-трик вечерва, а по два погодоци постигнаа Дарко Насевски и Петре Даиловски. По еден гол за Железарец постигнаа Дејан Кајсторовски, Мартин Калчев, Златко Јошевски, Реџеп Бислим и Филип Вучковски.
За битолскиот тим по двапати погодија Стефан Гроздановски и Игор Скепаровски, а пак еден гол постигна Ерен Амит.
Кратово славеше сигурна победа во гости од 4:10 над „фенерџијата“ Карадаку. Очекуван беше триумфот за гостинот, а кој до истиот дојде преку Валентино Јованоски, Горан Арсовски и Ѓорѓи Ивановски кои беа двојни стрелци.
По еден гол постигнаа Лука Давитковски, Дарко Мирков, Давид Тоневски и Михаил Спасовски.
Извештајот од мечот меѓу Партизан Југ и Каршиака е достапен овде, а колото се затвара утре со два меча. Во првиот се среќаваат СЕЕ Университи и ССК, а во вториот Црна Река со Овче Поле.
