Со два натпревари вчера беше отворено 14. коло на Трета лига – Запад, кое ќе се комплетира денес со останатите мечеви.
Екипата на Џепчишти стигна до лото победа откако на домашен терен со 7:0 славеше над Доброшти. Ментор Саљиу и Џевдет Идризи беа двојни стрелци, додека пак по еден гол постигнаа Адриан Беќири, Беким Садики и Еди Абдија.
Речица исто така имаше убедлива победа пред домашната публика откако со 5:1 го декласираше тимот на Скендербеу.
Победата доаѓа преку пресврт, откако на полувреме гостинот имаше предност од 0:1 после голот на Арианит Даути, а во вториот дел домаќинот во целост го сврте резултатот.
Хет-трик постигна Амин Шаќири, а по еден гол постигнаа Артан Зеќири и Мубарек Шасивари.
