Тимот на Каршиака продолжува со победничката форма на патот кон обезбедување на место во Првата футсал лига за следната сезона, откако на воведниот меч од 15. коло на Втората лига со 2:10 славеше над Партизан Југ во Брвеница.
Каршиака е во фантастична форма, а тоа го потврди и вечерва преку четири погодоци на Енис Ибраими, како и двојните стрелци Седат Јакупи и Фејзула Шабани, а по еден гол постигнаа Бујамин Асани и Џезаир Рамадани.
За домашниот тим во вториот дел погодија Миливој Веселиновски и Марко Димчевски.
Тимот на Каршиака сега на своето конто има 27 бодови, а пак тимот од Брвеница останува со 16 бодови.
