В недела ќе се одиграат трите натпревари од 14. коло на Трета лига – Исток, а веќе се познати и официјалните лица за овие натпревари, односно судиите кои ќе делат правда.
Во Делчево ќе се игра дерби меѓу Брегалница и Овче Поле, а каде за правдата ќе биде задолжен Иван Јанев, а ќе му помагаат Ристе Бојчев и Цане Давитков.
Делегат на овој меч ќе биде Гоце Бојчев, а контролор Драганчо Димитровски.
Во Берово ќе се одигра натпреварот меѓу Малеш и Хоризонт Турново, а правда ќе дели Борче Коцев, негови асистент ќе бидат Илија Атанасов и Живко Прочков.
Ангел Дамјанов ќе биде делегат на овој меч, а пак Крсте Пандев ќе биде контролор.
Во Струмица ќе се одигра натпреварот меѓу Тиверија и Дојранско Езеро, а главен судија ќе биде Александар Ананиев, а ќе му асистираат Николче Симонов и Кирил Јованов.
Миле Костов ќе биде делегат, а контролор ќе биде Горан Ѓоргиев, додека пак Ѓорги Карајанов ќе биде втор контролор.
Во рамки на 14. коло слободни ќе бидат екипите на Победа Валандово, Карбинци и Ударник.
