Македонскиот репрезентативен голман Дамјан Шишковски и официјално ја продолжи соработката со Борац Бања Лука, ставајќи потпис на нов договор кој ќе го задржи во клубот до 2027 година.
Чуварот на мрежата веќе две сезони е стандарден дел од тимот од Бања Лука, кој во моментов е лидер во босанското првенство. Со новиот договор, Шишковски ја потврди својата лојалност и континуитет во еден од најголемите клубови во БиХ.
Од клубот посочуваат дека македонскиот голман се чувствува исклучително пријатно во Бања Лука, нагласувајќи дека градот му е драг речиси како родното Скопје. Токму затоа, на задоволство на сите во клубот, тој ќе го носи дресот на Борац и во наредните сезони.
Шишковски досега има 23 настапи за Борац, а во тимот настапува заедно со Себастијан Херера, кој има македонски пасош. Двајцата наскоро ќе му се стават на располагање на селекторот Гоце Седлоски за претстојните обврски на националниот тим.
Македонија ја очекува тежок предизвик во баражот за Светското првенство против Данска, а формата и континуитетот на Шишковски секако ќе бидат значаен адут за репрезентацијата.
