Еден од најреномираните македонски тренери за физичка подготовка, Петар Баснарков, е назначен за нов кондициски тренер на машкиот сениорски национален тим.
Баснарков ќе биде дел од стручниот штаб на селекторот Јошко Миленкоски, а на репрезентацијата ќе и се приклучи во мај, кога ќе започнат подготовките за настап во Европска лига 2026.
Зад себе има богато искуство како долгогодишен тренер за физичка подготовка во ракометните национални селекции, и во младинска и во сениорска конкуренција. Во клупската кариера работеше како кондициски тренер во РК Алкалоид, како и во македонскиот кошаркарски шампион МЗТ Скопје.
