Уште еден третолигаш се откажа од натпреварување, односно нема да продолжи со натпреварување во пролетната полусезона.
Според информациите на Спортска Мрежа со натпреварување нема да продолжи ФК Дреново, а со тоа Трета лига – Југ ќе продолжи со една екипа помалку.
Екипата на Дреново есенскиот дел го заврши на само дно од табелата со само едно реми односно еден освен бод, се останато беше порази.
Ова е втора екипа што се откажува од овој регион, откако пред самиот старт на сезоната екипата на Слога 1976 од Лажани се откажа од натпреварување, односно воопшто и не започна со натпревари, па наместо со 14 екипи како што беше планирано, сезоната започна со 13 екипи, а по откажувањето на Дреново од понатамошно натпреварување, овој регион ќе брои 12 екипи.
Во рамки на првото пролетно коло Дреново требаше да игра против Питу Гули на домашен терен, но овој меч не беше одигра, а за што немаше делегирани ниту официјални лица, што само по себе потврдува дека Дреново нема да се натпреварува.
Бројот на откажани третолигаши се зголемува. Во Трета лига – Исток се откажа екипата на Светлост од Зрновци, во Трета лига – Запад се откажа екипата на Зајази, во Трета лига – Југозапад пак екипата на Велешта беше дисквалификувана од натпреварување, но има и екипи кои пред самиот старт на сезоната воопшто и не започнаа со натпреварување. Вардарски минатата сезона испадна од Втора лига и воопшто и не продолжи со натпреварување во Трета лига – Исток. Со натпреварување не продолжи ниту Сатеска од Волино во Трета лига – Југозапад.
Единствен регион каде нема откажано екипи засега е само Трета лига – Север.
