Во Општинската фудбалска лига Гази Баба или Четврта лига по ранг на натпреварување беа одиграни натпревари од 7. коло.
Дељадровци со 2:0 славеше над екипата на Марино со погодоците на Ангеловски и Величковски.
Победа со резултат од 2:0 забележа и Бујковци над Маџари Солидарност, каде Аземи погоди во првиот дел, а пак Антевски во второто полувреме.
Ускуп на домашен терен запиша пораз од екипата на Петров со резултат од 1:3 во ме ч каде за домашниот тим единствец стрелец беше Дарлишта, а пак за гостинскиот тим погоди Јованов, а пак Емре Исмаил беше двоен стрелец.
Дербито на колото го одиграа лидерот Долно Коњари и второпласираниот Гоце Делчев, каде победник немаше, но имаше четири погодоци за конечни 2:2.
Во првиот дел мрежите мируваа, а во второто полувреме Качар постигна гол за 1:0, а пак Абдурахман за 2:0, а по што Смилески и Николовски погодија за конечни 2:2.
Натпревот меѓу Инџиково и Илинден не го дочека својот крај, откако првиот дел од мечот заврши со резултат од 1:1, Најдовски погоди за гостинот во 11. минута, а пак Трповски во 13. минута за 1:1.
Како што е заведено во официјалниот записник од натпреварот по завршувањето на првото полуреме, гостинскиот претставник побарал идентификација за домашниот фудбалер со број 6. Од домашната екипа претставникот потврдил дека играчот со број 6 не е исправен. Од таа причина натпреварот не продолжил. Гостинската екипа поради тоа не сакаше да го продолжи натпреварот.
