Младост Богданци вечерва оствари убедлива победа од 36:22 над Текстилец во првата елиминациска фаза од Купот на Македонија, но резултатот не беше единствената добра вест за тимот од Богданци.
Клубот промовираше уште еден голем талент од својата школа. Станува збор за 13-годишниот десен бек Стојан Иванџиков, кој го запиша своето деби за сениорскиот состав. Младиот ракометар не само што доби минутажа, туку успеа и да се запише во листата на стрелците, најавувајќи светла иднина.
Со овој потег, Младост уште еднаш покажа дека сериозно работи со младите категории и континуирано создава сопствени ракометари. Потсетување дека неодамна, на натпреварот против Вардар Неготино, своето деби го имаше и Лука Лукиќ, што е уште една потврда за квалитетната работа во клубот.
Богданчани очигледно не мислат само на сегашноста, туку и на иднината, која според најновите настапи изгледа повеќе од ветувачки.
