Кратово се израдува на првата сезонска победа во Втората футсал лига, откако во мечот од 5. коло со 15:4 го декласираше ланскиот прволигаш кој сега е закован на дното од табелата.
Тотална доминација на Кратово со победа која беше најавена уште во првиот дел кога резултатот беше 7:2. Стојановски постигна четири гола за Кратоов, по два гола постигнаа Давитков и Тоневски, а пак по еден гол постигнаа Јакимов, Стојчевски, Ефремов, Ивановски, Атанасов и Арсовски, а пак Саити од екипата на Карадаку си постигна автогол.
За поразениот тим трипати погоди Шукрија, а еднаш стрелаше Реџепи.
ССК Скопје однесе лото победа од 7:0 над струшки Енхалон, во меч кој се одигра во салата на ОУ „Круме Ќепески“ во Скопје три погодоци паднаа во првиот дел, а четири во второто полувреме.
Димковски и Здравески беа стрелци на по два гола, а по еден гол постигнаа Стевковски, Бислим и Сулејман.
Неизвесен меч се одигра во Дебар каде во дербито на колото Кораби со 4:2 славеше над ланскиот прволигаш Овче Поле од Свети Николе.
Сите погодоци паднаа во првиот дел од мечот, а во второто полувреме мрежите мируваа и на двете страни.
Бојковски и Султанов постигнаа погоди за водство на Овче Поле од 0:2. Додека пак домашниот тим преку двата гола на Октај Беќири и погодоците на Ујкан Муча и Дарко Блажевски дојде до 4:2 на полувреме, а во вториот дел тој резултат беше потврден.
Денес Победа дома игра против Каршиака, Мал Ајакс против СЕЕ Университи во Штип, а колото се затвара утре со мечот меѓу Партизан Југ и Балкан кој се игра во Брвеница.
