Прволигашите продолжуваат со подготовки и одигрување на пријателски натпревар пред стартот на пролетниот дел од Првата женска фудбалска лига.
Истатов забележа висока и убедлива победа од 3:8 над Речица, а победа која беше најавена уште во првиот дел од мечот кога „истатовки“ имаат предност од 0:4.
Сепак, резултатот е во втор план, бидејќи овие пријателски натпревари имаат контролен карактер со цел добивање јасна слика пред продолжување на шампионатот.
Истатов кој го води искусниот стратег Кирил Изов пролетниот дел го отвара на домашен терен против „фенерџијата“ Кочани, а пак Речица ќе гостува кај шампионот Љуботен во Тетово.
