Денес на „Билјанини Извори“ се одигра пријателски натпревар меѓу лидерот во Втора лига, Охрид и прволигашот Струга Трим Лум, кој заврши без победник со по еден гол 1:1.
Овој контролен меч беше „генералка“ за стружани пред стартот на пролетниот дел кој го отвараат со дербито против актуелниот шампион Шкендија. Стрелец на голот за „рибарите“ беше Антонио Каланоски.
Од друга страна Охрид ќе има уште време за подготовки бидејќи пролетниот дел во ВМФЛ стартува на 21 февруари, а „рибарите“ гостуваат во Струмица кај Беласица во дерби меч.
Двете екипи имаат високи амбиции – Охрид сака влез во ПМФЛ, а пак Струга сака шампионска титула.
