Третолигашот Брегалница од Делчево го претстави своето второ зимско засилување – Христијан Крстов е ново име на некогашниот прволигаш.
Со Крстов третолигашот од Делчево го засилува нападот, а се работи за 23-годишен крилен напаѓач кој доаѓа од тимот на Карбинци.
Претходно, низ својата кариера настапуваше за второлигашот Осогово од Кочани од каде и ја започна својата кариера, а беше дел и од хрватскиот тим Вишњан.
Претходно, тимот од Делчево се засили со голгетерот Еди Мандак, за што објави Спортска Мрежа.
