Третолигашот Брегалница од Делчево за пролетниот дел од сезоната во Трета лига – Исток ќе биде значително засилен со голгетерот Еди Мандак, кој доаѓа од редовите на второлигашот Брегалница од Штип.
20-годишникот потекнува од школата на Брегалница, а настапуваше една сезона и во дресот на струмичка Беласица од каде и се врати во таборот на „сините“ од Штип.
Слабиот голгетерски учинокот кој го имаше тимот од Делчево во есенскиот дел ќе биде засилен со Мандак, кој во дресот на Брегалница во есенскиот дел на Втора лига постигна четири голови, а во минатото беше најдобар стрелец во младинската Суперлига.
Брегалница Делчево презимува на шестото место на табелата со 12 бодови, има учинок од три победи, три ремија и четири порази, а пак гол разликата е негативна односно постигнати 14 погодоци, а примено 15.
Мандак ќе биде квалитетно засилување за тимот од Делчево и големо освежување за пролетниот дел.
