На 25 јануари 2026 година, под водство на националниот тренер Саша Поповски и претседателот на Македонската традиционална таеквондо федерација (МТТФ), Марјанчо Лазарески, беше одржан стручeн семинар за натпреварувачи, тренери и судии.
Семинарот имаше за цел унапредување на техничката подготвеност, размена на знаења и искуства, како и подигнување на натпреварувачките и судиските стандарди, со што директно се работи на подигање на севкупното ниво на традиционалното таеквон-до во Македонија.
На настанот учество зедоа членови од повеќе таеквон-до клубови: „Хва-Ранг“ од Лескоец/Охрид, „Мастер“ од Охрид, „Ге-Бек“ од Ресен, „Сонкал“ од Мислешово и „Чон-Џи“ од Косел, што уште еднаш ја потврди широчината и активноста на федерацијата на национално ниво.
Со реализацијата на овој семинар, МТТФ официјално ги започна подготовките и најави одржување на државното првенство во традиционално таеквон-до, кое е закажано за месец март.
