На националното првенство во повеќебој на Србија за 2026 година, кое се одржа на 24 и 25 јануари во Белград, македонскиот репрезентативец Огнен Стефановски (АК Делта) оствари извонреден настап во седмобој во сала. Тој собра вкупно 5.116 поени, со што освои 953 WA бодови и постави нов национален рекорд, подобрувајќи го својот претходен резултат од 4.879 поени.
Покрај рекордот во вкупниот пласман, Стефановски блесна и поединечно, поставувајќи нови национални рекорди во сите седум дисциплини: 60 метри со пречки (8.39 секунди), скок со стап (4.10 м), скок во далечина (6.78 м), 60 метри (7.27 секунди), скок во височина (1.82 м), фрлање ѓуле (11.69 м) и трката на 1.000 метри, која ја заврши со време од 2:46.55.
Со овој настап, Стефановски уште еднаш го потврди својот квалитет и статусот на еден од најдобрите македонски повеќебојци.
