Второлигашот Шкендија Арачиново објавена дека клубот и капитен Јасир Беќири се разделуваат со взаемна почит, гордост и искрена благодарност за сè што беше направено во изминатиот период.
Од враќањето на Шкендија Арачиново од Четвртата лига па сè до денес влезот во Втора лига, Беќири имаше многу повеќе од улогата на фудбалер. Тој беше вистински лидер на теренот, глас во соблекувалната и пример за пожртвуваност и посветеност кон секој соиграч. Неговата борбеност, потта и љубовта кон црвено-црниот дрес се дел од секој успех што клубот го постигна во овој период.
Во клучните и најтешки моменти, но и во најубавите денови за клубот, Јасир Беќири беше една од главните столбови на тимот, капитен кој секогаш знаеше како да ја поведе екипата напред и да ја одржи стабилноста на теренот.
Шкендија Арачиново јавно ја изрази својата најискрена благодарност за сè што Беќири направи за клубот, потенцирајќи дека вратите на клубот за него секогаш ќе останат отворени, бидејќи тој не е само поранешен капитен, туку траен дел од историјата на клубот.
Инаку, 27-годишниот Јасир Беќири го носеше дресот на Шкендија Арачиново од септември 2021 година, а во својата кариера настапуваше и за Илинден, Фортуна, Скопје и Вардар, оставајќи зад себе богато домашно искуство и силен белег каде и да играше.
