Прволигашот ЖФК Тиверија Брера од Струмица во четврток ќе ги започне подготовките за пролетниот дел од Првата женска фудбалска лига. Шефот на стручниот штаб Славе Велков ќе го има првиот собир, првиот состанок, а потоа и првиот тренинг со кој струмичанки ќе ги стартуваат зимските подготовки.
Во следниот период ќе бидат закажани и пријателските натпревари преку кои ќе се проверува формата со цел тимот од Струмица максимално подготвен да влезе во пролетниот дел.
Засега единствено засилување како што веќе објави Спортска Мрежа е Никица Трендова, која по три години се враќа во Тиверија Брера, од редовите на Скопје, а настапуваше и за Цевитана од Прилеп.
Тиверија Брера презимува на третото место на табелата со 27 бодови, а пролетниот дел го отвара против Каменица Саса во Македонска Каменица.
