Уште едно во низата заминувања од шампионот Форца, откако Берат Рамадани потврди дека заминува од кумановскиот прволигаш и со тоа кариерата ќе ја продолжи во новата средина.
30-годишниот Рамадани во Форца пристигна во септември 2023 година и со клубот од Куманово двапати ја освојуваше двојната Круна, а пристигна од редовите на Арбен Бајрами.
Претходно, искусниот играч настапуваше и за Шкупи и Јувентус Серава во Првата футсал лига на Македонија.
„Ве информирам дека од денес повеќе не сум дел од ФК Форца. Ви благодарам за сè“, кратко истакна Рамадани.
Претходно, како што објави Спортска Мрежа од Форца си заминаа капитенот Таулант Исмаили, голманот Енсар Фера и Еркан Сефери.
Форца презимува на второто место на табелата во Првата футсал лига со 21 бод на своето конто, шест помалку од непоразениот лидер Проект од Јосифово.
